වසර හැත්තෑවකට ආසන්න ඉතිහාසයකට හිමිකම් කියන දෙහිවත්ත මහා විද්‍යාලයේ ආදි විදුහල්පතිවරයා ලෙස දෙහිවත්ත මහා විද්‍යාලයේ නිල වෙබ් පිටුවට පණිවිඩයක් යැවීමට ලැබීම මට මහත් ගෞරවයක්.. ශ්‍රී ලංකාවේ මෙන්ම එතෙර ද බැබළෙන යහපත් මානව ගුණාංග ඇති  බුද්ධිමතුන් රැසක් බිහිකර මව්බිමට සහ විදේශ රටවලට ඔවුන්ගේ වටිනා සේවය සැලසිමට හැකි විම දෙහිවත්ත විද්‍යාලය ලද විශාල අභිමානයකි . පාසලේ ප්‍රමිතිය වර්තමාන තත්ත්වයට නැංවීමට මග පෑදූ හිටපු විදුහල්පතිවරුන් සහ ගුරුවරුන් කළ අසීමිත කැපවීම ගෞරවයෙන් සිහිපත් කරමි. මෙම වෙබ් පිටුව පාසලේ සංස්කෘතිය පවත්වා ගෙන ඉදිරියට යමින් නව තාක්ෂණය සමග අධ්‍යාපනයට මහගු අත්වැලක් සැපයේ වී. මෙම සම්පත් භාවිතා කර නව සිසු පරපුර තම උපරිමය කළ ආදි දෙහිවත්ත මහා විද්‍යාලීය සිසුන් ගිය මාවතේ ගමන් කරනු ඇතැයි මම විශ්වාස කරමි. පාසල වෙනුවෙන්. දෙහිවත්ත මහා විද්‍යාලයේ ශාස්ත්‍රීය වර්ණ, නව්‍ය නිපැයුම්, දක්ෂතා, විවිධ ක්‍රියාකාරකම් සහ ජයග්‍රහණ පෙන්වීමට මෙම වෙබ් අඩවිය භාවිතා කළ හැකි අතර ඒ සඳහා සිසුන්ට සහ ගුරුභවතුන්ට මෙම ක්ෂේත්‍ර දියුණු කිරීමට නොමසුරුව සහාය වෙමී. එවිට වත්මන් දෙහිවත්ත මහා විද්‍යාලයේ සිසුන් නව තාක්ෂණික ලෝකය තුළ තම මාවත සොයා ගනු ඇත. මම මගේ හෘද්‍යාංගම ස්තුතිය වෙබ් කණ්ඩායමට පිරිනමන අතර මෙය තුළින් ඔවුන්ගේ ඉලක්ක වෙත ළඟා වීමට ශක්කිය හා වාසනාව ලැබේවායි ප්‍රාර්ථනා කරමී